Qassis Għawdxi Jitlob Lura L-Warrant T’Għalliem Iżda T-Talba tiegħu Ġiet Miċħuda

Fr. Jesmond Gauci, qassis ta’ 49 sena mix-Xagħra li kien instab ħati li lura f’Marzu 2014 u fiż-żmien ta’ qabel ikkommetta attentat fuq il-pudur ta’ tfajla, kif ukoll kien hemm tliet tfajliet li allegatament qalu li hu messhom b’mod indiċenti, talab biex tingħatalu lura l-warrant t’għalliem iżda l-qorti ċaħdet din it-talba wara li semgħet il-kontro proposta minnu.

Huwa kien instab ħati li wettaq biss reat fil-konfront ta’ tfajla waħda biss. Intant, Fr. Gauci ma nstabx ħati li kellu x’jaqsam sesswalment magħhom u lanqas li uża b’mod ħażin il-mezzi ta’ komunikazzjoni.

Gauci kien ġie ikkundannat sena ħabs sospiżi għal 3 snin fejn kellu sospiża l-‘warrant’ ta’ għalliem. Gauci talab li tingħatalu lura l-‘warrant’ wara tliet snin mill-każ iżda dan kien irrifjutat mill-Kunsill tal-Professjoni tal-Għalliema f’Malta.

Għalhekk, ressaq il-każ quddiem it-Tribunal ta’ Reviżjoni Amministrattiva fejn tenna li l-artikoli tal-liġi li fuqhom instab ħati, ma għandhomx iżommu milli jieħu lura l-‘warrant’.

Il-Maġistrat Simone Grech ma qablitx ma’ dak li saħaq fuqu Fr. jesmond Gauci u għalhekk ċaħdiet it-talba biex huwa jieħu lura l-‘warrant’.

Ritratt: Gozo. News